Калі вы прадаеце ці вырабляеце рэчы з беларускім каларытам, аформленыя па-беларуску, то мы з радасцю разгледзім вашу прапанову аб продажы рэчаў у нашай краме.
Кантакты для адпраўкі камерцыйных прапаноў:
Камерцыйная прапанова абавязкова мусіць уключаць у сабе апісанне прадукцыі, яе фатаздымкі і закупачныя кошты. Прапановы без указанай вышэй інфармацыі разглядацца не будуць.
Акрамя гэтага, для заключэння дамовы пастаўкі пастаўшчык павінен адпавядаць наступным крытэрам:
- Пастаўшчык мае права ажыццяўляць прадпрымальніцкую дзейнасць на тэрыторыі Рэспублікі Беларусь;
- Пастаўшчык падзяляе этычныя каштоўнасці крамы Symbal.by;
- Тавар, які прапануецца да рэалізацыі, пасуе асартыменту крамы;
- Пастаўшчык гарантуе нязменную якасць тавару на працягу ўсяго перыяду супрацоўніцтва;
- Пастаўшчык прапануе аптымальныя суадносіны кошту і якасці тавару, якія спрыяюць цікавасці спажыўца;
- Пастаўшчык гатовы пастаўляць тавар без затрымак, у належных аб’ёмах і асартыменце ў адпаведнасці з патрэбамі крамы;
- Упакоўка тавара, які прапануецца пастаўшчыком, адпавядае ўсім патрабаванням заканадаўства Рэспублікі Беларусь, а таксама забяспечвае мінімізацыю выдаткаў на прыёмку, выкладку і перасоўванне тавару;
- Кожная адзінка тавару прамаркіравана таварным нумарам у выглядзе штрыхавога ідэнтыфікацыйнага кода ў сістэме таварнай нумарацыі EAN ці ў іншай, ўзгодненай з крамай, сістэме, у адпаведнасці з заканадаўствам Рэспублікі Беларусь. У выпадку, калі нанясенне непасрэдна на тавар таварных нумароў тэхнічна немагчыма, дапускаецца іх нанясенне на спажывецкую тару, этыкетку, цэтлікі такога тавару;
- У выпадках, прадугледжаных заканадаўствам, тавар павінен быць маркіраваны акцызнымі маркамі або кантрольнымі знакамі.
Калі было прынята станоўчае рашэнне аб супрацы, пастаўшчык бязвыплатна прадастаўляе ўзоры прапанаванай прадукцыі для праверкі спажывецкіх якасцяў.
Іншыя істотныя ўмовы:
- Вы мусіце быць вытворцам тавару або першым пастаўшчыком на тэрыторыю Рэспублікі Беларусь;
- Калі вы стаіце на ўліку як рамеснік, вашыя вырабы мусяць падпадаць пад пералік прадукцыі, якія дазволена вырабляць рамеснікам;
- Апісанне тавару ў прыходных дакументах павінна дазваляць дакладна індэнтыфікаваць кожную адзінку тавара з улікам яе спажывецкіх характарыстык (колер, памер, нанесены малюнак\надпісы, матэрыял вырабу і г.д.);
- Пастаўшчыкі — ІП мусяць прадаставіць завераную копію пасведчання аб рэгістрацыі, а таксама копію старонак пашпарту з фатаздымкам і адрасам рэгістрацыі.