fbpx
Увядзіце свой email
Email мае няправільны фармат
Увядзіце свой e-mail для завяршэння рэгістрацыі
Захаваць
У Вашым кошыку няма тавараў

На нашым сайце можна набыць лічбавыя тавары.

Замовіць рэчы з нашымі дызайнамі можна на Redbubble

На нашым сайце можна набыць лічбавыя тавары.

Замовіць рэчы з нашымі дызайнамі можна на Redbubble

Навіны сымбаля
Пампуйце бясплатна спеўнікі — пяць зборнікаў годных песень!

Прапануем вам бясплатна спампаваць у pdf-фармаце спеўнікі, з дапамогай якіх вы самастойна можаце арганізоўваць музычныя святы і калектыўныя спевы ў сваіх супольнасцях, дварах, населеных пунктах.

Харавы спеўнік «Годныя песні» — укладальнікі Сяржук Доўгушаў і Галіна Казіміроўская. «Народны спеўнік» і «Калядны спеўнік» выдадзены ўстановай «ЭтнаТрадыцыя».

1. Харавы спеўнік «Годныя песні. Частка 2» — творы беларускіх аўтараў для змешанага і мужчынскага хору a cappella

Пампуйце тут 

Другая частка зборніка «Годныя песні» працягвае серыю выданняў твораў беларускіх аўтараў, у якіх адлюстравана любоў і павага да Радзімы. Важнае месца ў зборніку займаюць творы і апрацоўкі сучасных кампазітараў, некаторыя з якіх былі спецыяльна напісаныя для гэтага выдання.

Мы марым, каб беларуская песня загучала ва ўсіх кутках нашай краіны і ва ўсім свеце. Мы верым, што гэтымі песнямі мы зможам аб’яднаць беларускі народ. Мы спадзяемся, што зборнікі «Годныя песні» стануць добрым падмуркам для стварэння сапраўднага «Свята Песні» ў Беларусі.

Сродкі на выданне гэтага спеўніка былі сабраныя на краўдфандынгу праз Facebook. Аўтары выказваюць шчырую падзяку айцу Сяргею Стасевічу за прадастаўленыя ноты з Беларускай бібліятэкі ў Лондане, Алесі Сідлярэвіч за дапамогу ў зборы сродкаў на выданне зборніка, а таксама ўсім, хто ахвяраваў сродкі на выданне.

Гэтыя песні ўжо гучалі ў выкананні «Вольнага хору» на апошнім анлайн-канцэрце з праграмай «Муры». Глядзіце тут.

2. Кішэнны спеўнік з беларускімі каляднымі песнямі «Калядны спеўнік»

Пампуйце тут 

У спеўніку прадстаўлены найбольш адметныя, яскравыя ўзоры беларускіх калядных песень, што выконваюцца цягам усяго святочнага перыяду з 24 снежня па 6 студзеня (з 6 па 19 студзеня). Песні з розных рэгіёнаў Беларусі пададзены з нотамі і прыдатныя для супольнага выканання.

3. Харавы спеўнік «Годныя песні. Частка 1» для прафесійных, аматарскіх і вучэбных харавых калектываў

Пампуйце тут

У зборнік «Годныя песні» ўвайшлі творы беларускіх аўтараў, у якіх адлюстравана любоў і павага да Радзімы. Творы, што абуджаюць патрыятычныя пачуцці і надаюць моцы. Сёння, як ніколі, варта вучыць дзяцей і дарослых беларускім песням, узгадоўваць культуру масавага спеву, адраджаць шматвекавую традыцыю беларускай харавой культуры.

4. Кішэнны спеўнік з народнымі беларускімі песнямі «Народны спеўнік»

Пампуйце тут

У спеўніку прадстаўлены адметныя і цікавыя ўзоры беларускай народнай творчасці (каляндарна-абрадавыя, пазаабрадавыя песні і балады), прыдатныя для сумеснага выканання. Кніга аздоблена нотамі.

5. Спеўнік «Годныя песні», дзе сабраныя тэксты і акорды песень, якія ўжо годна разам спяваюць беларусы

Пампуйце тут

«Муры», «Магутны Божа», «Мы выйдзем шчыльнымі радамі» і іншыя песні, а таксама акорды да іх, вы знойдзеце там.

Пампуйце спеўнікі на свае тэлефоны, раздрукоўвайце, раздавайце спеўнікі на мерапрыемствах у сваіх дварах і спявайце разам!

«Вольны хор» прэзентаваў альбом «Калядны»

У альбом увайшлі пяць вядомых калядных песень з розных рэгіёнаў Беларусі. Гэтыя песні яднаюць, ствараюць асаблівы радасны настрой, выказваюць пажаданні лепшай долі, шчасця і дабрабыту ў будучым годзе.

«Вольны хор» прэзентаваў альбом і спеўнік «Годныя песні»

Слухайце альбом на ўсіх папулярных электронных музычных платформах і глядзіце вялікі анлайн-канцэрт. Падрабязней тут.

Зніжкі
Падпісацца
© SYMBAL.BY (2014-2024). Усе правы абароненыя. Выкарыстанне змесціва сайту дапускаецца толькі са згоды праваўладальніка. Кошты на сайце пазначаныя ў далярах ЗША.
Pay with PayPal, PayPal Credit or any major credit card

ЦЯПЕР МЫ ПРАЦУЕМ У ПОЛЬШЧЫ! ПАГЛЯДЗЕЦЬ АСАРТЫМЕНТ І ЗАМОВІЦЬ МОЖНА ТУТ.