fbpx
Увядзіце свой адрас email
Email мае неправільны фармат
Увядзіце свой адрас email для завяршэнне рэгістрацыі
Захаваць
У Вашым кошыку няма тавараў

Працуем з 10:00 да 20:00 без выходных!

г. Мінск, пр-т Машэрава, д. 18

Працуем з 10:00 да 20:00 без выходных!

г. Мінск, пр-т Машэрава, д. 18

Навіны сымбаля
Symbal.by Fest 2019: фота- і відэа-справаздача

23 жніўня крама Symbal.by адсвяткавала сваё пяцігоддзе вялікім фестывалем у цэнтры Мінска. За 5 гадзінаў фестываль у папулярнай мінскай прасторы «Пясочніца» наведалі 9 тысяч чалавек.

Для гасцей Symbal.by Fest выступілі Akute, :B:N:, NaviBand, Dzieciuki, а ўдзельніца беларускага нацыяльнага адбору на «Дзіцячае Еўрабачанне-2019» Марыя Ермакова прэзентавала беларускамоўную песню «Вятры».

Мы сабралі для вас усе фота- і відэарэпартажы з фестывалю. Шукайце сябе на фатаздымках і відэа ды яшчэ раз узгадайце, які гэта быў шыкоўны вечар!

Альбомы з фатаздымкамі Івана Сямёнава глядзіце на нашых старонках у VK і FB, а відэа — на нашым ютуб-канале.

Дзякуй за рэпартажы і фатаздымкі нашым інфармацыйным партнёрам: Радыё Свабода, Еўрарадыё, Наша Ніва, Радыё Рацыя.

Некаторыя факты пра Symbal.by Fest:

— па інфармацыі «Пясочніца» — за пяць гадзінаў свята пляцоўку наведала каля 9 тысяч чалавек, гэта было самае масавае мерапрыемства на іх тэрыторыі за 2 гады існавання;

— служба бяспекі «Гарызонта» паведаміла, што была адэкватная аўдыторыя, за мерапрыемства не было ніводнага выкліку міліцыі і хуткай дапамогі;

— у сацыяльных сетках мы атрымалі каля 1000 публікацый з адзнакамі крамы ці хэштэгам  #symbalby, найбольш было зроблена сторыс у інстаграме, каля 300;

— мы раздалі 4000 флаераў-падарункаў з 20% зніжкай;

— агульны бюджэт мерапрыемства склаў каля 6000 даляраў;

— фактычна актыўную рэкламу мерапрыемства мы пачалі за 5 дзён да даты правядзення, бо да апошняга дня была пагроза зрыву з розных бакоў;

— на мерапрыемства мы не атрымлівалі дазволаў ад дзяржаўных органаў, бо да канца прынцыпова прытрымліваліся 7 пункта артыкула 213 Кодэкса аб культуры, дзе гаворыцца, што пасведчанне на права арганізацыі і правядзення культурна-відовішчнага мерапрыемства на тэрыторыі Рэспублікі Беларусь не патрабуецца, калі культурна-відовішчныя мерапрыемствы праводзяцца юрыдычнымі асобамі, грамадзянамі, у тым ліку індывідуальнымі прадпрымальнікамі, для ўласных патрэб без атрымання прыбытку (даходу) з удзелам запрошаных выканаўцаў;

— нам давялося правесці 5 размоваў з рознымі структурамі, ад Мінгарвыканкаму да міліцыі, каб даказаць, што нашае мерапрыемства не трапляе пад закон аб масавых мерапрыемствах, а рэгламентуецца Кодэксам аб культуры, бо ў нас было «иное массовое мероприятие — культурно-зрелищное в предназначенном для этого месте».

У законе аб масавых мерапрыемствах напісана:

массовое мероприятие — собрание, митинг, уличное шествие, демонстрация, пикетирование и иное массовое мероприятие;

иное массовое мероприятие — спортивно-массовое, культурно-зрелищное, иное зрелищное или культурное мероприятие, религиозное мероприятие, проводимые в специально не предназначенных для этой цели местах под открытым небом либо в помещении.

Зніжкі
Падпісацца
ТАА «Сымбаль Бай», УНП 193042405. Інтэрнэт-крама symbal.by зарэгістравана ў Гандлёвым рэестры РБ 09.11.2018 г. пад №431582. Юрыдычны адрас: 220005, Рэспубліка Беларусь, г. Мінск, пр-т Машэрава, д. 18, пам. 41. Рэальны выгляд тавараў можа адрознівацца ад выгляду на выявах, размешчаных на сайце. Тавары, размешчаныя на сайце, могуць быць недаступныя для пакупкі ў афлайн-краме.
Дызайн і распрацоўка ilya.shyla@gmail.com
Яндекс.Метрика