fbpx
Увядзіце свой адрас email
Email мае неправільны фармат
Увядзіце свой адрас email для завяршэнне рэгістрацыі
Захаваць
У Вашым кошыку няма тавараў

Працуем з 10:00 да 20:00 без выходных!

г. Мінск, пр-т Машэрава, д. 18

Працуем з 10:00 да 20:00 без выходных!

г. Мінск, пр-т Машэрава, д. 18

Навіны сымбаля
Uzari назваў сваю Ўмову

21 лютага ў Дзень роднай мовы беларускі музыка Uzari выставіў сваю ўмову, а дакладней запусціў акцыю па папулярызацыі беларускай мовы пад назваю #Umova.

У сваім звароце музыка кажа:

«Некалькі гадоў таму я вырашыў размаўляць на роднай мове, і з кожным днём у маім жыцці мовы ўсё больш і больш. Мой першы альбом «Padziaka Serca», што выйдзе ў красавіку, таксама будзе цалкам беларускамоўным.

У Дзень роднай мовы я прапаную Вам падтрымаць акцыю #Umova, дзе трэба выканаць некалькі заданняў і перадаць ланцужок далей, каб падтрымаць нашу спадчыну.

Зрабі свой крок да мовы».

Сэнс акцыі, якая ператвараецца ў гульню, вельмі просты і дазваляе ахапіць вялікую колькасць беларусаў.

Uzari прапаноўвае ў Дзень роднай мовы знаходзіць і фатаграфавацца з цікавымі ці арыгінальнымі носьбітамі беларускай мовы. Гэта могуць быць як людзі, так і розныя рэчы, надпісы і вырабы, якія сустракаюцца вакол нас.

Фатаздымкі з носьбітамі беларускай мовы трэба публікаваць ва ўласных сацыяльных сетках, а разам з імі гісторыі пра гэтыя носьбіты, уласныя падзякі ці прызнанні ў любові да роднай мовы разам з хэштэгам #Umova, каб адсочваць і далей публікаваць вашыя гісторыі.

А каб акцыя працягвалася як мага даўжэй і ўцягвала новых людзей, варта ў адказ прапаноўваць уласныя новыя ўмовы вашым сябрам і за іх выкананне абавязкова матываваць нейкімі невялікімі падарункамі.

Напрыклад Uzari паабяцаў усім, хто выканае яго ўмову, першым даслаць спасылку на свой альбом «Padziaka serca», а 20 аўтарам самых цікавых гісторый і фотаздымкаў падарыць фірмовыя цішоткі і запрасіць на эксклюзіўную прэзентацыю альбома ў красавіку ў Мінску.

Прэм’ера сінгла «Padziaka Serca» з будучага альбому:

Uzari апублікаваў сваю ўмову, а мы публікуем сваю!

Першая #Umova ад symbal.by, з якой мы пачнем гульню, называецца «Словы».

ШТО ТРЭБА ЗРАБІЦЬ:

— сёння трэба знайсці ў навакольнай прасторы беларускае слова і сфатаграфаваць яго ці з ім: шукайце на рэкламных стэндах, шыльдах, у любых месцах;

— апублікаваць фотаздымак у любой сацыяльнай сетцы і напісаць добрыя словы пра беларускую мову, абавязкова дадаўшы хэштэг #Umova

— пазначыць мінімум двух чалавек і перадаць ім ужо сваю ўмову, абавязкова прапанаваўшы нейкі падарунак за яе выкананне.

Вось наш падарунак. Мы абяцаем, што 50 чалавек, якія першымі выканаюць гэтую ўмову, атрымаюць у падарунак насценныя календары на 2019 год «Год пад аховай анёлаў».

Малюнак Вольгі Кузьміч.

Зніжкі
Падпісацца
ТАА «Сымбаль Бай», УНП 193042405. Інтэрнэт-крама symbal.by зарэгістравана ў Гандлёвым рэестры РБ 09.11.2018 г. пад №431582. Юрыдычны адрас: 220005, Рэспубліка Беларусь, г. Мінск, пр-т Машэрава, д. 18, пам. 41. Рэальны выгляд тавараў можа адрознівацца ад выгляду на выявах, размешчаных на сайце. Тавары, размешчаныя на сайце, могуць быць недаступныя для пакупкі ў афлайн-краме.
Дызайн і распрацоўка ilya.shyla@gmail.com
Яндекс.Метрика