Увядзіце свой адрас email
Email мае неправільны фармат
Увядзіце свой адрас email для завяршэнне рэгістрацыі
Захаваць
0
У Вашым кошыку няма тавараў

Працуем з 10:00 да 20:00 без выходных!

г. Мінск, пр-т Машэрава, д. 18

Працуем з 10:00 да 20:00 без выходных!

г. Мінск, пр-т Машэрава, д. 18

Навіны сымбаля
Дзіцячы конкурс чытання вершаў па-беларуску «Вымаўляты»

Symbal.by запрашае бацькоў і іх дзетак да ўдзелу ў творчым конкурсе «Вымаўляты».

Каляды ўжо блізка і час рыхтавацца да іх як бацькам, так і дзеткам. Пагадзіцеся, што будзе цудоўна ад дзетак на ранішніках і ялінках пачуць вершы па-беларуску. Кагосьці гэта здзівіць, хтосьці ўсміхнецца, але абыякавых не будзе!

Дзіцячы конкурс чытання вершаў па-беларуску «Вымаўляты»

Вымаўляты — гэта дзеці, якія ведаюць на памяць вершы па-беларуску, гучна і эмацыйна дэкламуюць іх не толькі сваім родным, а разам з бацькамі могуць зняць відэа і прадэманстраваць свае здольнасці шырокаму колу людзей.

Ёсць цудоўнае выданне — першая беларускамоўная дашкольная хрэстаматыя, якая выдатна падыходзіць для чытання, распавядання, завучвання на памяць твораў беларускай і замежнай літаратуры дзеткамі разам з бацькамі ці вахавацелямі. Гэтая кніга створана напачатку 90-х і ў свой час была рэкамендаваная Міністэрствам адукацыі для ўсіх дзіцячых садкоў Беларусі.

Каб прыняць удзел у нашым конкурсе, трэба:

— бясплатна ў pdf-фармаце спампаваць «Чытанку» на нашым сайце, ці набыць арыгінальную кнігу.

— выбраць верш адпаведна ўзросту вашага дзіцяці, вывучыць яго на памяць і адрэпетаваць выступ. Змест кнігі падзелены на ўзроставыя катэгорыі: маленства – да 3-х гадоў, дашкольнае дзяцінства 3-4, 4-5, 5-6 гадоў, што дазволіць бацькам лягчэй зарыентавацца ў матэрыяле.

— зняць відэа на тэлефон ці любую кумеру ды апрацаваць яго, усё залежыць ад вашых магчымасцяў і навыкаў.

— да 3 снежня з пазнакаю «Вымаўляты» на скрынку symbal.by@gmail.com даслаць файл з відэа альбо спасылку з запампаваным відэа на Youtube.

Абавязкова пазначце ў лісце:
— імя і прозвішча, узрост дзіцяці,
— імя і прозвішча аднаго з бацькоў і кантактны нумар,
— паштовы адрас (для адпраўкі падарункаў за ўдзел у конкурсе),
— назву верша і яго аўтара.

Лепшых «Вымаўлятаў-2017» абвесцім у снежні! Фіналісты і пераможцы будуць вызначаны па выніках галасаванак у сацыяльных сетках і падліку агульнай колькасці праглядаў відэа, падабаек, каментароў, віруснага ахопу, а таксама з улікам меркаванняў калектыву Symbal.by.

Усе ўдзельнікі конкурса ў снежаньскія перадкалядныя дні атрымаюць у падарунак чытанкі-маляванкі і дысконтныя карты Symbal.by «Падабайка».

Тры пераможцы разам з маляванкамі і дысконтамі атрымаюць за 1, 2 і 3-е месцы падарункавыя сертыфікаты на 100, 50 і 25 рублёў адпаведна, а таксама ганаровыя граматы са званнем «Вымаўлятка-2017».

Усе атрыманыя на конкурс відэа будуць размешчаны на Youtube-канале Symbal.by, а таксама будуць публікавацца ў сацыяльных сетках Symbal.by.

Сучасныя тэхналогіі дазваляюць лёгка запісваць, мантаваць і дасылаць вашыя відэа на конкурс з дапамогай смартфонаў. Для апрацоўкі відэа на тэлефоне раім скарыстацца зручным бясплатным дадаткам «Quik».

comments powered by HyperComments
Зніжкі
Падпісацца
Індывідуальны прадпрымальнік Белавус Павел Мікалаевіч, УНП: 691764397. Пасведчанне аб рэгістрацыі № 691764397 ад 12.05.2014 г., выдадзена Мінскім райвыканкамам. Інтэрнэт-крама symbal.by зарэгістравана ў Гандлёвым рэестры РБ 02.03.2017 г.Офіс: г. Мінск, пр-т Машэрава, д. 18, пам. 41. Юрыдычны адрас: аг. Ратамка, вул. Друкаваная, 16-2.
Дызайн і распрацоўка ilya.shyla@gmail.com
Яндекс.Метрика